Colvir ERP

Colvir ERP — tashkilotning xo‘jalik va moliyaviy-iqtisodiy faoliyatini samarali boshqarish uchun mo‘ljallangan integratsiyalashgan tizim. Mazkur mahsulot xodimlar bilan ishlash, ularga ish haqini hisoblash va o‘tkazish, kontragentlar bilan shartnomalarni tuzish va ularni yuritish, to‘lanadigan va olinadigan hisoblarni rasmiylashtirish va to‘lash, moddiy va nomoddiy aktivlarni boshqarish hamda ularni inventarizatsiya qilish, shuningdek, tovar-moddiy zaxiralar hisobini yuritish uchun keng qamrovli vositalar to‘plamini taklif etadi.

Tashkilot xodimlari har kuni bajaradigan yuzlab operatsiyalar Colvir ERP yordamida tezroq, aniqroq va osonroq amalga oshiriladi. Ma’lumotlardagi har qanday o‘zgarish tizimning barcha modullarida aks etadi, bu esa o‘zaro aloqa tezligini oshirish va ma’lumotlar takrorlanishining oldini olish imkonini beradi. Real vaqt rejimida doimiy yangilanib turuvchi ma’lumotlar xodimlarning ish samaradorligini va bo‘linmalar o‘rtasidagi hamkorlikni kuchaytirishga, barcha operatsiyalar ustidan nazoratni ta’minlashga hamda reja va prognozlarning aniqligini, qaror qabul qilish tezligini oshirishga yordam beradi.

Mahsulot afzalliklari

Sifat va tezlik

Colvir ERP tizimini joriy etish orqali tashkilot faoliyatning sifat jihatidan yangi bosqichiga ko‘tariladi, imkoniyatlar ufqini kengaytiradi hamda biznesni rivojlantirish va avtomatlashtirish bo‘yicha maqsadlariga erishadi. Ma’muriy-xo‘jalik faoliyatini avtomatlashtirish barcha darajadagi xodimlarning o‘zaro hamkorligini yuqori tezlikda ta’minlaydi. Colvir ERP yordamida bo‘limlar o‘rtasidagi axborot almashinuvi tezkor amalga oshirilib, ish haqini hisoblash yoki omborni inventarizatsiya qilish kabi murakkab vazifalarning bajarilishi osonlashadi.

Moslashuvchanlik va integratsiya

Colvir ERP tizimi shu qadar moslashuvchan va foydalanish jihatidan tushunarliki, bankning yangi xodimi hatto o‘zining birinchi ish kunidayoq aksariyat operatsiyalarni bemalol bajara oladi. MXF modullar bloki kichik banklar uchun ham, yirik korporatsiyalar uchun ham birdek foydalidir. Mahsulot bank tizimi va Colvir Software Solutions kompaniyasining boshqa yechimlari bilan, shuningdek, integratsion shinasi yordamida boshqa vendorlarning ishlanmalari bilan ham integratsiyalashadi.

Rejalashtirish va nazorat qilish

Tizimning funksional imkoniyatlari xarajatlarni aniq rejalashtirish va bashorat qilish hamda barcha joriy shartnomalarni nazorat qilish imkonini beradi. Ilgari hisobvaraqlar bilan bog‘liq operatsiyalar ko‘p mehnat talab qiladigan va xatolarga moyil bo‘lgan bo‘lsa, Colvir ERP bilan barcha harakatlar yagona zanjirga birlashtirilgan.

Yangi imkoniyatlar

Tashkilot xodimlari kundalik bir xil vazifalarni Colvir ERP tizimiga ishonib topshirib, o‘z e’tiborlarini yanada ijodiy, murakkab va keng ko‘lamli ishlarga qaratishlari mumkin bo‘ladi. Bu — korxona biznes jarayonlarini tezlashtirish, resurslarni tejash va yuksak natijalarga erishish uchun minglab imkoniyatlar degani.

Colvir ERP mahsulotlarining funksionalligi

Xodimlar bilan ishlashning to‘liq sikli: nomzod bilan muloqot qilishdan to xodimni ishdan bo‘shatishgacha.Barcha turdagi kasallik varaqalari, ta’til pullari, mukofotlar bo‘yicha hisob-kitoblar va to‘lovlar, ish haqini hisoblash. Soliq va badallarni o‘tkazish.
Kontragentlar bilan shartnomalarni tuzish va yuritish, moliyaviy ijara shartnomalari (16-sonli MHXS) bilan ishlash. Tenderlar o‘tkazish, pudratchilarni tanlash.
Bir martalik va shartnomalar bo‘yicha davriy hisobvaraqlar asosida to‘lovlarni amalga oshirish. Sotib olingan tovarlar va olingan xizmatlar uchun hisobdor shaxslar bilan hisob-kitob qilish, shuningdek, xodimlarning xizmat safarlari bo‘yicha hisob-kitoblar va korporativ kartalar bilan ishlash. Tovarlarni olish uchun ishonchnomalar berish va ularni bekor qilish.
Xaridorlar va xizmatlar iste’molchilariga hisobvaraq-fakturalarni rasmiylashtirish va taqdim etish. Debitorlik qarzdorligi bo‘yicha to‘lovlarni nazorat qilish maqsadida pul tushumlarini kuzatib borish.
Tovar-moddiy boyliklar bilan bog‘liq operatsiyalarni avtomatlashtirish, ombor hisobini yuritish va hisobotlarni shakllantirish.
Asosiy vositalar va nomoddiy aktivlar hisobini turli yo‘nalishlarda yuritish: buxgalteriya, soliq va boshqaruv hisobi. Korxonada ma’lumotlarni yig‘ish terminallaridan foydalangan holda yoki ularsiz inventarizatsiya o‘tkazish jarayonini avtomatlashtirish.

Funksional modullar

Xodimlar

Ish haqi

FHSH shartnomalari bilan ishlash

Asosiy vositalar

Tovar-moddiy boyliklar

Shartnomalarni yuritish

To‘lanadigan va olinadigan hisoblar

Tovarlar va xizmatlar bo‘yicha elektron hujjat aylanishi

Amalga oshirilgan loyihalar

Nurbank

Nimalar qilindi?

Colvir ERP’ni bank tizimi va boshqa mahsulotlar bilan birgalikda joriy etish;
ma’muriy-xo‘jalik faoliyati modullari blokini bank tizimining 50 dan ortiq funksional modullari bilan integratsiya qilish;
Colvir ERP’ni bankning biznes-jarayonlariga moslashtirish.

Mijoz nimalarga ega bo‘ldi?

Mahalliy qonunchilikning barcha talablariga rioya etgan holda ma’muriy-xo‘jalik faoliyati bo‘yicha kengaytirilgan funksional imkoniyatlar.

“Bay-Tushum” banki

Nimalar qilindi?

Colvir ERP’ning asosiy modullarini joriy etish: shartnomalarni yuritish, to‘lovga schyotlar va olinadigan schyotlar, asosiy vositalar, tovar-moddiy boyliklar, xodimlar, ish haqi;
bankda Colvir ERP’ni o‘z ichiga olgan yagona mahsulot ekotizimini yaratish.

Mijoz nimalarga ega bo‘ldi?

Ma’muriy-xo‘jalik faoliyatini avtomatlashtirish uchun zamonaviy va qulay yechim.

«Bankimizda joriy etilgan Colvir ERP mahsuloti ma’muriy-xo‘jalik faoliyatini yuritishni har kuni yanada sodda va tezkor qiladi. Yechimning yuqori funksionalligini, standart operatsiyalar bilan bir qatorda qo‘shimcha imkoniyatlar, masalan, transportni boshqarish va smeta nazorati mavjudligini alohida ta’kidlamoqchiman. Biz Colvir ERP xodimlar ishiga ham, butun bank faoliyatiga ham olib kirayotgan afzalliklar va jarayonlardagi yaxshilanishlardan mamnunmiz.»

“Bay-Tushum” banki

Qirg‘iziston

Natija

Samaradorlik
Colvir ERP ma’muriy-xo‘jalik faoliyatining barcha jarayonlarini yag[object Object]ona tizimga birlashtiradi va ularning samaradorligini bir necha barobar oshiradi.
Optimallashtirish
Biznes-jarayonlarni yuritish, xodimlar soni va ularning ish vaqtini optimallashtirish.
Funksionallik
Filiallar yoki korxonalar sonidan qat’i nazar, bankning to‘liq funksionalligi va yagona axborot makoni.